Mertesacker don hang hin boot
Per Mertesacker wey be Germany
centre haf wey also be member of
de squad wey win de World Cup for
Brazil lass month don komot hand
for international football to settle
for club football.
De 29-year-old Arsenal playa be de
third squad member wey don retire since de end of
de World Cup, afta skippo Philipp Lahm and ogbonge
goalscorer Miroslav Klose don retire.
"I dey proud as I spend 10 years for de team , five
big tournaments, 104 caps and de World Cup wey we
kon win", naso Mertesacker yarn for statement.
"Na wonderful and betta end e bee, na de right time
e bee for me to waka from de national team and
allow younger playas to enta de team.
Mertesacker, wey juss enta lass minite for de extra
time for Germany's 1-kondo final win over Argentina
also yarn de Sueddeutsche newspaper say hin wan
check wen hin international football work go finish.
"Fess of all, na my matta we dey tok about so, to be
able to tok wen de chapter don end", naso hin tok.
Tall and powerful, de defender be Germany fess
choice centre back lass time tay-tay afta hin fess cap
win for 2004.
Mertesacker kon loss hin place wen coachi Joachim
Loew kon post Jerome Boateng and Mats Hummels
for de middle of de back four wen dey bulala Brazil
7-1 for de semi-finals of de World Cup.
Loew bin also start with de same two combination
for de final.
"Dat tournament be golden finale", naso
Mertesacker yarn.
"Now I wan be Premier League champions with
Arsenal and also attack de Champions League".
Mertesacker don tap ball for three World Cups and
also follo for de 2008 and 2012 European
Championships.
"Hin dey dependable and reliable, naso Loew tok,
"For Brazil hin be one of our mos important playas
wey helep de team and show dem way for plenty
swaggar".
Arsenal dey launch dia Premier League season with
London derby against Crystal Palace for Saturday.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon