Flying Eagus win as Lesotho no gree show
De Naija Under-20 football team wey
be de Flying Eagus don kwalify for de
2015 Africa Youth Championship (AYF).
De Flying Eagus kon kwalify for de AYC
for Saturday afta dem don walk over
dia opponents Lesotho for de final round of
kwalifying for Kaduna.
Match officials kon dey tok even till de lass minite
say dem never receive any official notice say de fess
leg for de final kwalifayas no go hold afta Lesotho
don begin dey fear becos of Ebola virus wahala for
Nigeria.
Na dis make dem to kon do de walkover ceremony
wey lass for 15 minite afta de referee don blow de
kick-off whistle.
Nigeria go now join seven oda countries wey include
de hosts Senegal for de 2015 AYC, wey go begin from
March 8.
Manu Garba wey be coachi for de Flying Eagus no
waste time sam sam to hail hin playas afta dey don
confirm dia kwalification without tapping ball.
“Congratulations Naija for dis kwalification, we bin
train very hard for de lass two months for dis match
and belle for sweet us pass if say de kwalification
shele for pitch and not for boardroom”, naso hint ok.
De Naija coachi kon take dat chance pity Lesotho as
dem no show face for de game.
”Na one kain disappointment e bee say Lesotho no
show face for de game, but we no fit do any thing
about de matta”.
Garba tok say de team go now komot from dia
camping and kon arrange demsef fass fass for de
main tournament.
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon